深圳到三亞自駕游攻略(二)

來源：seeyoo     作者：陳曼莉    2010-11-04

　　住?!住就不用講啦，我地有“電視框”嘛，肯定是住三亞亞龍灣喜來登度假酒店啦!講園林環境附近幾間酒店比不上喜來登啦!不過晚上從沙灘走過去希爾頓酒店(慕名而去的，老板娘靚嘛!!!!)渠的園林設計雖無喜來登甘有椰林FEEL，但是設計得幾現代，夜晚有露天燒烤自助餐，個feel好正，好hot，火辣辣。自助餐的食物比喜來登晚市自助餐豐富，搞到我都好想吃!還有一個室內的餐廳唔知是中餐定西餐啦沒時間睇，起響個水池上面真是正呀!間酒店嘅設計好似老板娘一樣甘型呀!

　　最后講下玩啦!我覺得到三亞唔應該講玩，應該是感受下陽光與海灘，放松一下心情，渡過一個真正嘅假期。我都好想重溫下開摩托艇的刺激滋味，但系又將玩摩托艇的錢去左潛水。我地一班人在酒店外的沙灘曬緊日光浴，有一個酒店的沙灘服務員走來同我地搭訕，問我地去唔去潛水，如果比現金會平D(當你入住喜來登酒店后一切消費都是報房號就得(每間酒店都一樣)，到時checkout再計數)。我地講左一輪價1700元成交5個人潛水，酒店報價是680一個人。后來條友竟然叫我地去凱萊酒店的潛水服務站比錢。條友竟然幫人地酒店拉生意，我是老板就炒左渠，好彩我地是游客。1700文5個人潛水還坐快艇在海上沖浪都算OK啦!普通5個人坐下快艇都幾百啦!酒店附近潛水人少，清靜D唔會同人逼。不過講潛水就最好去蜈支洲島啦!水真更清，沙真更幼!!同馬來西亞拍夏日么么茶個景差唔多從喜來登酒店到蜈支洲島碼頭才20幾公里，不算遠!有網上攻略講搭的士去同司機講價，可以到島上玩潛水有優惠!其實也是騙人的!不過搭的士去就一定要跟司機講價，因為的士車游客去蜈支洲島會有回扣的，所以一定要押價!如果游客自己去蜈支洲島買票搭船時，票價是120元，買票前一定要講自己是自駕游(佢唔知你真定假，話知你系坐飛機啦，佢沒問，要問就求其講個車牌咪得啰)。因為票上會蓋上“自駕游”的章，拿著票到島上消費會有8折優惠呀!!一定要記住買票玩任何項目前一定要出示船票呀，咁就會有8折架啦!在島上值得一試的是船潛，教練會帶你去10幾米深海里摸軟珊瑚、執大海參。潛水時間最好選擇中午12點左右，陽光充足，水入面的能見度高。在潛水位置的浮船底部還看到一大群一大群的各種唔同種類嘅魚群，我只認識沙甸魚一種，失禮曬。每群入面D魚都成千上萬，真是好靚，好壯觀，我嘗試去抓但是又點會抓到呢!在潛水過程中教練肯定會再sale你影相(240元5張相)或者拍DV(380元15分鐘)，這就自己決定啦!玩完船潛，我和小甥女孩還發現了一達玩浮潛的地方就在我們潛水位置的岸邊。我地兩個上岸后剝左套緊身衣戴上一副專業的游水泳鏡(哈哈哈!用泳鏡來浮潛!)，就去浮潛。水里好多石頭走唔到出去，只有用屁股慢慢坐到較深水的位置再轉返游水姿勢浮潛，如果有可以濕得水又保護到對腳嘅鞋似得潛水著個D鞋就好啦，唔使驚只腳吉到痛。水里好多類似海參的野，還看到好多小魚和海膽，寄居蟹等，真是過癮!!